Am eich Gwybodaeth…
Mae rheolau ar sut i gadw gwybodaeth bersonol yn ddiogel a sut y caiff ei rhannu. Mae’r rheolau hyn yn y gyfraith newydd, y Rheoliad Diogelu Data Cyffredinol (GDPR). Mae’r ddogfen hon yn dweud wrthych pam mae angen eich gwybodaeth arnom a beth rydym yn mynd i’w wneud gyda hi.
Mae Storey Arms yn rhan o Gyngor Caerdydd, felly rydym yn gweithio gyda’ch gwybodaeth yn yr un ffordd ag y byddai’r Cyngor yn ei wneud.
Pa Wybodaeth mae arnom ei hangen gennych?
Cyn eich taith i’r Ganolfan mae angen i ni wybod rhywfaint o wybodaeth er mwyn eich cadw’n ddiogel ac i’ch helpu i gael yr amser gorau gyda’ch ffrindiau:
- eich enw
- eich cyfeiriad
- eich Dyddiad Geni
- manylion cyswllt mewn argyfwng
- problemau meddygol
- manylion cyswllt eich meddyg
- anghenion deietegol
Mae’n bosibl y byddwn hefyd yn cael gwybodaeth gan…
- eich ysgol
- eich rhieni
Pam mae angen eich gwybodaeth arnom?
Pan fo’r holl wybodaeth hon amdanoch chi gennym, gallwn…
- sicrhau bod eich holl wybodaeth yn gywir
- eich helpu i benderfynu ar y gefnogaeth orau a’ch helpu yn ystod eich cyfnod gyda ni gyda gweithgareddau neu ar adeg prydau bwyd
- eich helpu os cewch chi ddamwain
Pryd rydyn ni’n rhannu’ch gwybodaeth…
Rydym yn sicrhau y caiff ei chadw’n ddiogel a byddwn yn dilyn y rheolau a osoda’r gyfraith.
Weithiau mae’n bosibl y bydd rhaid i ni rannu eich gwybodaeth bersonol gyda…
- aelodau eraill o staff Storey Arms
- eich athrawon a’ch ysgol
- tîm Iechyd a Diogelwch Cyngor Caerdydd
- meddygon a nyrsys os cewch ddamwain
- gwasanaethau cymorth a fydd yn helpu i’ch cadw’n ddiogel os ydym yn teimlo eich bod mewn perygl
Sut byddwn yn cadw eich gwybodaeth yn ddiogel?
Mae cyfrifoldeb ar y bobl yn Storey Arms a Chyngor Caerdydd sy’n gweld eich gwybodaeth i’w chadw’n ddiogel Felly os oes rhaid i ni rannu eich gwybodaeth, byddwn:
- yn dweud wrthych pam mae ei hangen arnom
- gofyn am yr hyn sydd ei hangen arnom yn unig
- rhoi gwybod i chi os ydym yn ei rhannu, a ph’un a gewch chi ddweud na
- ddim yn cadw eich gwybodaeth am fwy o amser nag sydd ei hangen arnom
- yn ei chadw’n ddiogel!
Eich hawliau …
Mae gennych yr hawl i:
- weld unrhyw wybodaeth sydd gennym amdanoch chi
- gofyn i ni newid unrhyw wybodaeth sy’n anghywir yn eich barn chi
- gofyn i ni beidio â rhannu eich gwybodaeth (ond nid pan fo ei hangen arnom i gael cymorth i chi neu i’ch cadw’n ddiogel)
- gofyn i ni ddileu eich gwybodaeth bersonol o’n systemau
- gofyn am yr hyn sydd ei hangen arnom yn unig
Gallwch gwyno os ydych yn credu nad ydym yn parchu eich hawliau
Mae Swyddog Comisiynydd Gwybodaeth (ICO) i helpu.
Rhagor o wybodaeth
Diolch am ddarllen hwn.
Os hoffech wybod rhagor, cysylltwch â’r
Swyddog Diogelu Data
Neuadd y Sir
Glanfa’r Iwerydd
Bae Caerdydd
CF10 4UW
E-bost: diogeludata@caerdydd.gov.uk
Gallwch hefyd gysylltu â:
Swyddfa’r Comisiynydd Gwybodaeth
Tŷ Wycliffe
Water Lane
Wilmslow
Cheshire
SK9 5AF